Ռուսաստանը դեռևս լուրջ հարցեր ունի ԱՄՆ-ին․ Ռյաբկով
Ռուսաստանը դեռևս լուրջ հարցեր ունի ԱՄՆ-ին Ուկրաինայի վերաբերյալ, սակայն Թրամփի վարչակազմը մի շարք քայլեր է ձեռնարկել ճիշտ ուղղությամբ: Այս մասին հայտարարել է Ռուսաստանի փոխարտգործնախարար Սերգեյ Ռյաբկովը։
Նա հավելել է, որ Պենտագոնի խնդիրը բոլոր հակառակորդների նկատմամբ վճռական ռազմական գերազանցության հասնելն է, ինչը մտահոգիչ է։
Ըստ Ռյաբկովի՝ ԵՄ-ն հստակ ձգտում ունի կանխելու Ռուսաստանի և ԱՄՆ-ի միջև մերձեցումը Ուկրաինայի կարգավորման հարցում։
«Եվրոպայում լայնածավալ վերազինման ծրագրեր են մեկնարկել Ռուսաստանի կողմից ենթադրյալ սպառնալիքի պատրվակով, ԵՄ-ն համակված է իբր թե «ռուսական հարձակում» նախապատրաստելու ցնորքով։ Նույնիսկ հաշվի առնելով ԱՄՆ ներկա քաղաքականությունը՝ ԵՄ գործողությունների պատճառով Ռուսաստանի և ՆԱՏՕ-ի միջև բախման ռիսկը պահպանվում է»,- նշել է Ռուսաստանի փոխարտգործնախարարը։
