Հայկական սպորտի ամենամեծ խնդիրներից մեկը դեռևս չի ձևակերպվել՝ նույնիսկ մասնագիտական մակարդակում. Արթուր Նազարյան

Հայաստանի բասկետբոլի ֆեդերացիայի գլխավոր քարտուղար Արթուր Նազարյանը ֆեյսբուքում գրել է. Հայաստանում շատերը չեն տարբերակում աջակցությունը և սուբսիդավորումը։Երբ պետությունը մարզական ֆեդերացիային գումար է հատկացնում, օրինակ՝Եվրոպայի առաջնության որակավորման փուլի համար ավիատոմսեր գնելու (հաճախ դա էլ չեն տալիս),դա զարգացման աջակցություն չէ։ Դա պարզապես պետական պարտավորության կատարում է։

Սուբսիդավորումը նշանակում է՝ «գնա, մասնակցիր, որ Հայաստանը ներկայացված լինի»։ Իսկ աջակցությունը նշանակում է ներդրում համակարգի մեջ՝

• մարզիչների կրթություն

• մարզադահլիճներ

• մանկապատանեկան առաջնություններ

• մարզական բժշկություն

• վերլուծություն

• ժամանակակից կառավարում

Եթե պետությունը վճարում է միայն մասնակցության նվազագույն ծախսերը,իսկ ամբողջ զարգացումը թողնում է ֆեդերացիաների, ծնողների ու մասնավոր դոնորների վրա,ապա դա գոյատևման մոդել է, ոչ թե զարգացման ռազմավարություն։Ճիշտ ձևակերպումն առաջին քայլն է իրատեսական լուծումներ պահանջելու ճանապարհին։