Հալեպում հրետակոծության հետևանքով մեկ մարդ է զոհվել․ մանրամասներ

Սիրիայի Հալեպ քաղաքի բնակելի թաղամասի հրետակոծության հետևանքով մեկ մարդ զոհվել է, մի քանիսը՝ վիրավորվել։ Այս մասին հայտնում է Syria TV-ն՝ հղում անելով իր թղթակցին։

Նրա խոսքով՝ քրդական ուժերը անկանոն ականանետային կրակ են բացել և հրթիռային հարձակումներ են իրականացրել Ալ-Ջամիլիյա և Ալ-Սարյան շրջանների վրա։

«Հալեպում Ալ-Ռազի կամրջի մոտ գտնվող բնակելի թաղամասի վրա Սիրիայի դեմոկրատական ​​ուժերի կողմից իրականացված հրետակոծության հետևանքով զոհվել է մեկ քաղաքացիական անձ, մի քանիսը վիրավորվել են»,- հաղորդել է հեռուստաալիքը։