Շվեդիայի մաքսային ծառայությունը ռուսական բեռնանավ է ձերբակալել
Շվեդիայի մաքսային ծառայությունը կիրակի օրը հայտնել է, որ իշխանությունները բարձրացել են ռուսաստանյան բեռնատար նավի վրա, որը ուրբաթ կանգ էր առել Շվեդիայի ջրերում շարժիչի խնդիրների պատճառով, և այժմ իրականացվում է բեռի զննություն, հայտնում է Reuters-ը։
Մաքսային վարչության ներկայացուցիչ Մարտին Հոգլունդը հայտնել է․ որ «Adler» նավի սեփականատերերը գտնվում են Եվրոպական միության պատժամիջոցների ցուցակում։
«Գիշերվա ժամը 01:00-ից հետո մենք բարձրացանք նավ՝ Շվեդիայի ծովային պահպանության և ոստիկանության աջակցությամբ, որպեսզի իրականացնենք մաքսային զննություն։ Զննությունը դեռ շարունակվում է», — ասել է Հոգլունդը։
Միևնույն ժամանակ Հոգլունդը հրաժարվել է հայտնել, թե մաքսային ծառայությունն ի՞նչ է հայտնաբերել նավում։
Marine Traffic-ի տվյալներով՝ «Adler»-ը 126 մետր երկարությամբ կոնտեյներակիր է, նախատեսված անիվներով կոնտեյներների տեղափոխման համար։ Նավը կանգնած է Հոգանասի մոտ՝ Շվեդիայի հարավ-արևմուտքում։
Բացի ԵՄ պատժամիջոցների ցուցակում լինելուց, «Adler»-ը և նրա սեփականատեր «Մ Լիզինգ» ընկերությունը նաև գտնվում են ԱՄՆ պատժամիջոցների տակ՝ զենքի փոխադրման մեջ ներգրավված լինելու կասկածանքով, ըստ OpenSanctions տվյալների բազայի։
Հոգլունդը հայտնել է, որ նավը դեկտեմբերի 15-ին դուրս էր եկել Ռուսաստանի Սանկտ Պետերբուրգի նավահանգստից, սակայն մաքսային ծառայությունը տեղեկություն չունի նրա նշանակության վայրի մասին։
