Մենք թելադրանքներ չենք ընդունում․ Իրանի ԱԳՆ

Մենք պատրաստ ենք բանակցությունների միջոցով ձեռք բերված արդար և հավասարակշռված համաձայնագրի, բայց մենք պատրաստ չենք ընդունել թելադրանքներ: Եթե ինչ-որ մեկը մեզ մոտենա փոխադարձ շահի վրա հիմնված լուծման գաղափարով, մենք կքննարկենք այն, հայտարարել է Իրանի արտգործնախարար Աբբաս Արաղչին, փոխանցում է IRNA լրատվական գործակալությունը:

Արաղչին նշել է, որ 2025 թվականի փորձը լի էր հիասթափություններով: Նրա խոսքով՝ Իրանի փորձերը ՄԱԿ-ի Գլխավոր ասամբլեայի շրջանակներում պատժամիջոցների վերականգնման մեխանիզմի վերաբերյալ փոխզիջում գտնելու համար մերժվել են Արևմուտքի կողմից:

«Մենք լավ գաղափարներ ներկայացրինք, բայց դրանք բոլորը մերժվեցին: Մենք եկել ենք այն եզրակացության, որ բավական է», - հավելել է արտգործնախարարը:

Մեկնաբանելով երկրի միջուկային ենթակառուցվածքների վրա սպառնալիքներն ու հարձակումները՝ Արաղչին ընդունել է վնասը, բայց պնդել, որ անհնար է ոչնչացնել երկրի մտավոր ներուժը.

Նա նշել է, որ Իրանը մտադիր չէ հրաժարվել ուրանի հարստացման իր իրավունքից, որը մշակվել է գիտնականների ջանքերի շնորհիվ: