Լուկաշենկոն ներում կշնորհի Բելառուսում ձերբակալված 123 օտարերկրացու

Բելառուսի նախագահ Ալեքսանդր Լուկաշենկոն որոշել է ներում շնորհել տարբեր երկրների 123 քաղաքացիների, որոնք դատապարտվել են բելառուսական օրենսդրությամբ, տարբեր հանցագործություններ կատարելու համար՝ լրտեսություն, ահաբեկչություն եւ ծայրահեղականություն։

Հաղորդագրությունում նշվել է, որ որոշումը կայացվել է ԱՄՆ նախագահ Դոնալդ Թրամփի հետ ձեռք բերված պայմանավորվածությունների շրջանակում և նրա խնդրանքով՝ կապված ԱՄՆ նախկին նախագահ Ջո Բայդենի վարչակազմի կողմից բելառուսական կալիումի արդյունաբերության դեմ սահմանված պատժամիջոցների վերացման հետ։

Ինչպես նշել է ալիքը, հաշվի առնելով Բելառուսի նախագահի՝ նոյեմբերի վերջին կայացրած որոշումները՝ ներում շնորհվածների ընդհանուր թիվը հասել է 156-ի։ Նրանց թվում են Մեծ Բրիտանիայի, ԱՄՆ, Լիտվայի, Ուկրաինայի, Լատվիայի, Ավստրալիայի եւ Ճապոնիայի քաղաքացիներ։ Ավելի վաղ հաղորդվել էր նաև ընդդիմադր գործիչ Մարիա Կոլեսնիկովայի ազատ արձակման մասին։