ՌԴ և Ադրբեջանի փոխարտգործնախարարները քննարկել են Երևանի և Բաքվի միջև հարաբերությունները
Երևանի և Բաքվի միջև հարաբերությունների կարգավորման հարցն են քննարկել ՌԴ և Ադրբեջանի փոխարտգործնախարարները։
Միխայիլ Գալուզինի և Սամիր Շարիֆովի բանակցությունները կայացել են դեկտեմբերի 8-11-ը Բաքվում ռուս-ադրբեջանական խորհրդակցությունների ընթացքում, ասվում է ՌԴ ԱԳՆ հաղորդագրության մեջ։
«Մանրամասն քննարկվել են մի շարք տարածաշրջանային հարցեր, ներառյալ՝ ադրբեջանա-հայկական կարգավորումը և այդ գործընթացին ռուսական կողմից հնարավոր աջակցությունը ՝ 2020-2022 թվականների բարձր մակարդակի եռակողմ պայմանավորվածությունների հիման վրա»,- նշվում է հաղորդագրության մեջ։
