Սա մեծ հաջողություն է, և մենք այն նշում ենք․ Արմեն Գրիգորյանն ու Հաջիևը համատեղ հարցազրույց են տվել
Ադրբեջանի նախագահի օգնական և նախագահի աշխատակազմի արտաքին քաղաքականության վարչության պետ Հիքմեթ Հաջիևը և Հայաստանի անվտանգության խորհրդի քարտուղար Արմեն Գրիգորյանը համատեղ բացառիկ հարցազրույց են տվել Euronews-ին՝ Կատարի մայրաքաղաք Դոհայում կայացած միջազգային ֆորումի շրջանակներում։
Սա առաջին դեպքն էր, երբ երկու երկրների ղեկավարությունը ներկայացնող հիմնական բանակցողները քննարկել են, թե ինչպես է սկսվել երկու նախկին հակառակորդների միջև խաղաղության գործընթացը և ինչպես են երկու երկրները շարունակում «ևս մեկ աղյուս ավելացնել վստահության պատին՝ շարժվելով դեպի ակտիվ տնտեսական համագործակցություն, որը վերափոխում է եվրասիական տարածքը։
«Սա մեծ հաջողություն է, և մենք այն նշում ենք», - Euronews-ին տված հարցազրույցում ասել է անվտանգության խորհրդի քարտուղար Արմեն Գրիգորյանը։ «Բոլոր հակամարտություններում կողմերը չեն վստահում միմյանց։ Բայց մենք աշխատում ենք դրա վրա։ Ինչպես հայտնի երգում է ասվում՝ սա ևս մեկ աղյուս է պատի մեջ՝ լավ իմաստով։ Մենք աշխատում ենք դրա վրա՝ փորձելով կառուցել վստահության այս պատը, փորձելով շարժվել այս ուղղությամբ», - հավելել է Գրիգորյանը։
Հիքմեթ Հաջիևը հավելել է, որ համատեղ խաղաղության գործընթացը «հաջողության պատմություն է հակամարտությունների և պատերազմների համաշխարհային համատեքստում»։ «Հակամարտության այս գլուխը փակված և տեղում իրական խաղաղություն հաստատված» լինելով՝ Ադրբեջանն ու Հայաստանը համատեղ ձեռնամուխ են լինում տարածաշրջանում լայնածավալ տնտեսական ընդլայնմանը՝ երկու երկրների ընդհանուր բարօրության համար։
