Փորձը մասամբ հաջող էր, բայց վերադարձ չեմ նախատեսում. Իլոն Մասկ

SpaceX-ի հիմնադիր Իլոն Մասկը մեկնաբանել է ԱՄՆ պետական արդյունավետության դեպարտամենտի (DOGE) շրջանակում իրականացված աշխատանքները՝ արձագանքելով հաղորդումներին նախագծի վաղաժամ փակման մասին։

Իլոն Մասկի խոսքով՝ DOGE-ը, թեև սահմանափակ, բայց որոշակի արդյունքներ տվել է։

«Մենք հասանք փոքր-ինչ հաջողության։ Մենք ինչ-որ տեղում իսկապես առաջընթաց ունեցանք։ Մենք դադարեցրինք ֆինանսավորման մեծ ծավալներ, որոնք բացարձակապես անհեթեթ էին»,- նշել է նա՝ ընդգծելով, որ ԱՄՆ-ում տարեկան շուրջ 100–200 միլիարդ դոլարի բյուջետային միջոցներ ծախսվում էին առանց պատշաճ վերահսկողության։

Միլիարդատերը հիշեցրել է, որ իր համագործակցությունը DOGE-ի հետ ավարտվել է մայիսին՝ Դոնալդ Թրամփի հետ ունեցած տարաձայնություններից հետո։