Երևանի և Բաքվի միջև խաղաղության համաձայնագրի ստորագրումից հետո «հայ-թուրքական սահմանի բացման հույս կհայտնվի»․ Թուրքիայում ԱՄՆ դեսպան

Սիրիայի և Թուրքիայի, ինչպես նաև Թուրքիայի և Ադրբեջանի միջև էներգետիկ միջանցքը կարող է չափազանց շահավետ լինել ապագայում: Այս մասին հայտարարել է Թուրքիայում ԱՄՆ դեսպան Թոմ Բարաքը։

Նա ընդգծել է, որ Թուրքիայի հետ հարաբերությունները կարևորագույն դեր են խաղում Ադրբեջանի և Հայաստանի համար: Դիվանագետի խոսքով, Բաքվի և Երևանի միջև խաղաղության համաձայնագրի ստորագրումից հետո «հայ-թուրքական սահմանի բացման հույս կհայտնվի»:

«Կասպից ծովից Միջերկրական ծով երթուղու երկարաձգումը ճանապարհ կբացի տարածաշրջանային բոլոր էներգետիկ հարցերի լուծման համար»,- նշել է Բարաքը: