Ցավում եմ Ծառուկյանի համար. Մեթ Բրաուն
UFC-ի նախկին մարտիկ և ռեկորդակիր Մեթ Բրաունը քննադատել է Ջասթին Գեյջիի և Փեդի Փիմբլեթի միջև սպասվող թեթև քաշային կարգի ժամանակավոր գոտու համար մենամարտը։
«Իրավիճակը տխուր է, և այն ինձ դուր չի գալիս։ Ցավոք, սա UFC-ի՝ գործնականում մենաշնորհ լինելու հետևանք է։ Ես Արմանի համար ավելի շատ եմ ցավում, քան որևէ մեկի։ Նա մեկ սխալ թույլ տվեց, բայց մնացած ամեն ինչ ճիշտ արեց։ Նա վնասվածք ստացավ, և ես դա նրա կողմից լուրջ սխալ չեմ համարում։ Բայց հիմա դա իսկապես վնասում է նրան։ Բոլորը կարծում են, որ Արմանը արժանի էր գոտու համար պայքարելուն։ Ի՞նչ իմաստ ունի վարկանիշը, եթե այն չի գործում։ Դրանք կարելի է հանել և հավակնորդներ նշանակել ըստ սոցիալական ցանցերում հետևորդների թվի։
Ես չեմ լսել, որ Արմանը որևէ հատուկ վրդովմունք արտահայտեր այս իրավիճակի վերաբերյալ։ Բայց եթե ես նրա տեղը լինեի, կզայրանայի։ Նա կարող է գոտու համար չմենամարտել մինչև 2027 թվականը։ Սա մղձավանջ է», - ասել է Բրաունը իր փոդքասթում։
Հիշեցնենք, որ Փիմբլեթը և Գեյջին կմենամարտեն UFC-ի թեթև քաշային կարգի ժամանակավոր գոտու համար UFC 324-ում, որը կկայանա ԱՄՆ-ի Լաս Վեգաս քաղաքում 2026 թվականի հունվարի 25-ին, իսկ այնուհետև, ըստ UFC-ի նախագահ Դանա Ուայթի, մենամարտի հաղթողը կհանդիպի նույն քաշային կարգի գործող չեմպիոն Իլյա Թոփուրիայի հետ, ով անձնական խնդիրների պատճառով կարճատև դադար է վերցրել։
