ԱՄՆ-ն պատրաստում է մուտքի նոր արգելքներ շուրջ 30 երկրի համար
ԱՄՆ ներքին անվտանգության նախարար Քրիստի Նոեմի երեկ հաստատած մուտքի արգելքի վերաբերյալ որոշման հետ կապված՝ աղբյուրները NBC News-ին հայտնել են, որ Թրամփի վարչակազմի առաջարկած նոր մուտքի սահմանափակումների ցանկում կարող է ընդգրկվել շուրջ 30 երկիր։ Ցանկը դեռ ձևավորման փուլում է, և հաստատված չէ, թե որ երկրներն են ներառվելու։
Ներքին անվտանգության նախարարությունից նշել են, որ «ցանկը շուտով կհրապարակվի»՝ ընդգծելով, որ քննարկումները շարունակվում են։
Նախօրեին Նոեմը X սոցիալական հարթակում կոշտ գրառում էր արել՝ խորհուրդ տալով մուտքի արգելք սահմանել «յուրաքանչյուր այն երկրի նկատմամբ, որը ԱՄՆ-ին է ուղարկել մարդասպանների, արնախում հանցագործների և թմրամոլների»։
Թրամփի վարչակազմը արդեն մի անգամ՝ նրա առաջին նախագահական ժամկետում, սահմանել էր մուտքի արգելք յոթ երկրների քաղաքացիների համար, որոնք ամերիկյան քաղաքական օրակարգում հայտնի դարձան որպես «travel ban»։
