Արաղչին` ռուսական առաջարկի մասին

Իրանի արտաքին գործերի նախարար Աբբաս Արաղչին հաստատել է, որ ռուսական կողմի հետ դիտարկվել է իրանական հարստացված ուրանը Ռուսաստանում պահելու վերաբերյալ Մոսկվայի ներկայացրած առաջարկը։

Արաղչին նշել է, որ քննարկումներ են ունեցել ռուս պաշտոնյաների հետ և երախտագիտություն հայտնել օգնելու պատրաստակամության համար։ Ըստ նախարարի՝ Թեհրանը մտադիր է հարստացված ուրանի թեմայով ԱՄՆ-ի հետ բանակցությունները տեղափոխել ավելի ուշ փուլեր, սակայն պատշաճ ժամանակին կարող է անդրադառնալ Ռուսաստանի առաջարկին։

«Երբ մենք հասնենք այդ փուլին, ակնհայտորեն լրացուցիչ խորհրդակցություններ կանցկացնենք Ռուսաստանի հետ և կտեսնենք՝ արդյոք ռուսական առաջարկը կարող է օգնել, թե ոչ», — պարզաբանել է նա՝ հավելելով, որ «այժմ դրա մասին խոսք չկա»։