Թրամփն ու Մերցը վերջնագիր են հղել Իրանին

Գերմանիայի կանցլեր Ֆրիդրիխ Մերցը հայտնել է՝ հեռախոսազրույց է ունեցել ԱՄՆ նախագահ Դոնալդ Թրամփի հետ, երբ վերջինս վերադառնում էր Չինաստանից։ Իրանի շուրջ պատերազմի, ամերիկյան զորքերը դուրս բերելու սպառնալիքների և առևտրային տարաձայնությունների վերաբերյալ շաբաթներ տևած վեճերից հետո Մերցը զրույցը գնահատել է «լավ»։

«Մենք միասնական ենք․ Իրանը հիմա պետք է նստի բանակցությունների սեղանի շուրջ։ Պետք է բացի Հորմուզի նեղուցը։ Թեհրանը չպետք է ունենա միջուկային զենք»,- X-ում գրել է Մերցը։

Իրանից բացի, Մերցն ու Թրամփը քննարկել են նաև Ուկրաինայում պատերազմի հնարավոր կարգավորումը և համակարգումը՝ նախքան Թուրքիայում ՆԱՏՕ-ի երկրները կհանդիպեն։