Լավրովը բացահայտել է Պուտինի հայտարարության հետևանքով բարձրացած աղմուկը

Ռուսաստանի նախագահ Վլադիմիր Պուտինը եվրոպացիների քաղաքական հասունությունը ստուգեց, երբ Գերմանիայի նախկին կանցլեր Գերհարդ Շրյոդերին անվանեց Մոսկվայի և Եվրոպայի միջև երկխոսության նախընտրելի բանակցող, հայտարարել է Ռուսաստանի արտգործնախարար Սերգեյ Լավրովը։

«Նախագահ Պուտինը ստուգեց եվրոպացիների քաղաքական հասունությունը և զգոնությունը, ես այսպես կասեի, երբ մայիսի 9-ին երեկոյան մամուլի ասուլիսի շրջանակներում հարցին ի պատասխան ասաց, որ Գերմանիայի Դաշնային Հանրապետության նախկին կանցլերը կարող է լինել եվրոպացիների ներկայացուցիչը Ռուսաստանի հետ բանակցություններում», - լրագրողներին ասել է նախարարը։

Ինչպես նշել է Լավրովը, ռուսաստանյան առաջնորդի հայտարարություններից հետո Եվրոպայում աղմուկ բարձրացավ, սակայն ոմանք, այդ թվում՝ Գերմանիայում, չմերժեցին նման հնարավորությունը։

«Մեր նախագահի նման պատասխանից հետո շատ զվարճալի քննարկում ստացվեց», - ընդգծել է նա։