Իրանի զգուշացումը․ Ոմանք ուզում են տարածաշրջանը տանել պատերազմի

Իրանի արտաքին գործերի նախարար Աբբաս Արաղչին հայտարարել է՝ ԱՄՆ-ից ստացվող հակասական հաղորդագրությունները ամեն օր փոխում են դիրքորոշումները։ 

«Որոշ կողմեր ցանկանում են տապալել բանակցությունները և Ամերիկային ներքաշել պատերազմի մեջ։ Մենք հույս ունենք, որ բանակցությունները կվերադառնան բանականության հուն և դիվանագիտական ճանապարհով կհասնենք լուծման։ Հորմուզի նեղուցը բաց է, և բոլոր նավերը կարող են անցնել դրա միջոցով, բացառությամբ թշնամական երկրների։ Նրանք, ովքեր ցանկանում են անցնել, պետք է համաձայնեցնեն իրենց գործողությունները։ Նեղուցով անխոչընդոտ անցումը մեզ համար կարևոր է, և մենք դա ապահովում ենք։ Մենք բախվել ենք ծովային շրջափակման։ Մենք խորհրդակցում ենք Օմանի հետ և հույս ունենք, որ այդ պայմանավորվածությունները ապագայում արդյունք կտան»,- նշել է նա: 

Արաղչին նաև հիշատակել է Հնդկաստանի վարչապետի և արտաքին գործերի նախարարի հետ իր հանդիպումները և հայտարարել․ «Մենք Հնդկաստանի հետ ունենք մոտ դիրքորոշումներ։ Կարող ենք համագործակցել հնդկական կողմի հետ։ Հորմուզի նեղուցում իրավիճակը բարդ է, և մենք ջանքեր ենք գործադրում՝ օգնելու դրա կարգավորմանը»,- նշել է նա: