Սկանդալային դեպքեր՝ Թուրքիայում ուկրաինացի երեխաների հետ․ սեռական ոտնձգությունների են ենթարկվել
2022 թվականից սկսած «Առանց պատերազմի երեխաներ» ծրագրով ուկրաինացի գործարար Ռուսլան Շոստակի ֆինանսավորմամբ Ուկրաինայից Անթալիայի մի շարք հյուրանոցներ էին տեղափոխվել մանկատների 510 սաներ։
Թուրքական T24–ի տվյալներով՝ հյուրանոցներում երեխաները ենթարկվել են բռնությունների և սեռական ոտնձգությունների։ Դիտորդների զեկույցներում արձանագրվել է բռնաբարության երկու դեպք, որոնց հետեւանքով անչափահաս աղջիկները հղիացել են։ Նրանցից մեկը ծննդաբերելուց հետո փորձել է ինքնասպան լինել։
Ուսումնասիրությունները ցույց են տվել, որ սեռական ոտնձգություններից բացի՝ երեխաները պնդել են, թե ենթարկվել են նաև այլ բռնությունների։
Նշվում է, որ 2024 թվականին ծրագիրը դադարեցվել է, իսկ անչափահասները վերադարձվել են Ուկրաինա։
