Մենք չենք կարող հրաժարվել Ռուսաստանի հետ շփումներից․ Սիյարտո
Ռուսաստանը կդառնա վճռորոշ խաղացող ոչ միայն եվրոպական, այլև համաշխարհային անվտանգության մեջ, և Բուդապեշտը չի հրաժարվի Մոսկվայի հետ շփումներից։ Այս մասին հայտարարել է Հունգարիայի արտաքին գործերի նախարար Պետեր Սիյարտոն։
«Մենք չենք կարող թույլ տալ հրաժարվել դիվանագիտական ուղիներից, մենք չենք կարող թույլ տալ հրաժարվել մեր էներգակիրների զգալի մասը մատակարարող երկրի հետ շփումներից, և այն երկրի հետ, որը, անկախ նրանից, թե դա մեզ դուր է գալիս, թե ոչ, ապագայում կդառնա վճռորոշ խաղացող ոչ միայն եվրոպական, այլև համաշխարհային անվտանգության մեջ»,- ասել է Սիյարտոն։
Նախարարը մերժել է Հունգարիայի վարչապետ Վիկտոր Օրբանի քննադատությունը Մոսկվա կատարած այցի համար՝ ընդգծելով, որ ներկայիս կառավարությունն իր արտաքին քաղաքականության մեջ առաջնորդվում է բացառապես ազգային շահերով։
«Հունգարիայի վարչապետի աշխատանքը Բրյուսելի լիբերալ հիմնական հոսանքի պահանջները բավարարելը կամ Բրյուսելի մեղեդիով պարելը չէ, այլ հունգար ժողովրդի շահերը ներկայացնելը։ Նա սա արեց Վաշինգտոնում, սա արեց Մոսկվայում և սա կանի Բրյուսելում», - նշել է Սիյարտոն։
Հիշեցնենք՝ անցյալ ուրբաթ Ռուսաստանի նախագահ Վլադիմիր Պուտինը հանդիպել է Օրբանի հետ։ Կրեմլում բանակցությունները տևել է գրեթե չորս ժամ:
