Ուկրաինան պետք է «բուֆերային պետություն» դառնա Ռուսաստանի և ՆԱՏՕ- ի միջև. Օրբան

«Միակ հնարավոր երկարաժամկետ լուծումն այն է, որ հետպատերազմյան կարգը հիմնվի այն հիմնարար սկզբունքի վրա, ըստ որի Ուկրաինան դառնում է այն բուֆերային պետությունը, որը ժամանակին եղել է։

Ռուսաստանը պահպանում է միջազգային խաղաղության խորհրդաժողովում համաձայնեցված տարածքը, իսկ այդ գծից դեպի արևմուտք՝ ընդհուպ մինչև ՆԱՏՕ – ի արևելյան սահմանը, կազմում է ուկրաինական պետության տարածքը, որը կրկին բուֆերային կդառնա», - հայտարարել է Հունգարիայի վարչապետը Welt am Sonntag պարբերականին տված հարցազրույցում։

Նրա խոսքով՝ Ռուսաստանն ու ՆԱՏՕ-ն պետք է պայմանավորվեն նաև ուկրաինական զինված ուժերի թվաքանակի և զինվածության մասին, որոնց թույլատրվում է գործել բուֆերային գոտում: Երկու կողմերն էլ պետք է երաշխիքներ տան, որ «ոչ ոք այս բուֆերային պետությունը չի ստորադասի իր իշխանությանը»: