Հոնկոնգի հրդեհի զոհերի թիվը հասել է 75-ի

Հոնկոնգի Wang Fuk Court բնակելի համալիրի յոթ շենքում բռնկված հրդեհի զոհերի թիվը հասել է 75-ի, 76 մարդ վիրավորվել է, այդ թվում՝ 11 հրշեջ, 45 մարդ ծանր վիճակում է, գրեթե 300-ը դեռևս անհետ կորած է համարվում՝ հաղորդում է South China Morning Post-ը։

Նշվում է, որ հրդեհը մեկուսացվել է ութ բարձրահարկ շենքից յոթում, սակայն շարունակվում է երեք աշտարակների վերին հարկերում։ Կրակը մարելու համար աշխատում է քսանութ փրկարարական խումբ։