Ադրբեջանի տրանսպորտի նախարարը հայտնել է` երբ կավարտվի Հայաստանի հետ Աղբենդի սահման տանող երկաթուղային հատվածի կառուցումը
«Զանգեզուրի միջանցքի» շինարարությունը, որի տարեկան թողունակությունը կազմում է մինչև 15 միլիոն տոննա, ակտիվորեն շարունակվում է, հայտարարել է Ադրբեջանի թվային զարգացման և տրանսպորտի նախարար Ռաշադ Նաբիևը:
Նա նշել է, որ Հայաստանի հետ Աղբենդի սահման տանող երկաթուղային հատվածի կառուցումը կավարտվի 2026 թվականին։
«Ադրբեջանը միաժամանակ աշխատում է Նախիջևանով անցնող մոտ 200 կիլոմետր երկարությամբ երկաթուղային հատվածի շինարարության վրա: Այս գծի նախագծումն այժմ ավարտված է, և շինարարությունը կսկսվի շուտով», - նշել է Նաբիևը:
