Պուտինը սպառնացել է ռազմաճակատում իրավիճակն ավելի սրել, եթե Ուկրաինան չբանակցի

Ռուսաստանի նախագահ Վլադիմիր Պուտինը հայտնել է, որ ներկայիս իրավիճակը ռազմաճակատում համահունչ է իր երկրի նպատակներին: Այդ մասին նա հայտարարել է Ռուսաստանի անվտանգության խորհրդի մշտական անդամների հետ անցկացված խորհրդակցության ընթացքում։

Նրա խոսքով՝ ռազմական զարգացումները շարունակվում են այն տեմպով, որը, թեև միշտ չէ, որ համընկնում է Մոսկվայի ակնկալիքներին, բայց շարժվում է նախատեսված ուղղությամբ։

Պուտինը նաև անդրադարձել է ԱՄՆ նախագահ Դոնալդ Թրամփի առաջարկած կարգավորման նախաձեռնություններին՝ նշելով, որ եթե Կիևը չի ցանկանում քննարկել դրանք, ապա թե՛ Ուկրաինայում, թե՛ եվրոպական երկրներում պետք է գիտակցեն՝ Կուպյանսկում տեղի ունեցածը կարող է կրկնվել ճակատի մյուս կարևոր հատվածներում։ Նրա գնահատմամբ՝ նման գործողություններն ունեն շարունակական բնույթ։

Խոսելով բանակցային գործընթացի հնարավորության մասին՝ ՌԴ նախագահը կրկին ընդգծել է, որ Մոսկվան չի հրաժարվում խաղաղ ճանապարհով լուծումներ որոնելու դիտարկումից։ Այդ մասին նա հայտարարել է Ռուսաստանի անվտանգության խորհրդի մշտական անդամների հետ անցկացված խորհրդակցության ընթացքում։