Նավթի գները կտրուկ անկում են կանխատեսել

Մինչև 2026 թվականի վերջը Brent տեսակի նավթի միջին արժեքը կիջնի մինչև 56 դոլար մեկ բարելի դիմաց, իսկ WTI-ն ՝ մինչև 52 դոլար, ասվում է ամերիկյան Goldman Sachs ներդրումային բանկի նոր կանխատեսման մեջ:

Շուկայի ներկայիս սպասումները գտնվում են համապատասխանաբար 63 և 60 դոլարի մակարդակում մեկ բարելի դիմաց, սակայն վերլուծաբաններն առաջնորդվում են օրական երկու միլիոն բարել շուկայի ավելցուկի ակնկալիքներով, ինչը ճնշում կգործադրի գների վրա:

Goldman Sachs-ը գների աճ է ակնկալում 2027 թվականից ոչ շուտ, այնպես որ մինչև 2028 թվականի վերջը Brent-ը կարող է թանկանալ մինչև 80 դոլար մեկ բարելի դիմաց, իսկ WTI-ն՝ մինչև 76 դոլար: