Հայկական պատվիրակության այցն Ադրբեջան որոշված է. ամսաթվերն արդեն հայտնի են. Մամեդով

Տարեվերջին նախատեսվում է հայ քաղաքացիական հասարակության ներկայացուցիչների այց Ադրբեջան, և արդեն որոշվել են կոնկրետ ամսաթվերը։ Այս մասին «ՌԻԱ Նովոստի»-ին հայտնել է Ադրբեջանի քաղաքացիական հասարակության պատվիրակության անդամ և Հարավային Կովկասի ուսումնասիրությունների կենտրոնի նախագահ Ֆարհադ Մամեդովը:

«Ադրբեջանական պատվիրակության հոկտեմբերի 22-ին Հայաստան կատարած այցը միանգամյա իրադարձություն չէր. այն ավելի լայն միջոցառումների շարքի մի մասն է, որը ներառում է ադրբեջանական պատվիրակությունների Հայաստան և հայկական պատվիրակությունների Ադրբեջան ապագա այցելությունները: Հետևաբար, ենթադրվում է, որ մենք առնվազն մի քանի անգամ կայցելենք Հայաստան հաջորդ վեց ամիսների ընթացքում: Սա կներառի ոչ միայն մայրաքաղաքը, այլև Հայաստանի առանձին շրջանները: Հայկական պատվիրակության այցը Ադրբեջան նախատեսված է տարեվերջին, և կոնկրետ ամսաթվերն արդեն որոշված ​​են», - ասել է Մամեդովը:

Հիշեցնենք, որ հոկտեմբերի վերջին Երևանում տեղի ունեցավ երկկողմ կլոր սեղանի շուրջ քննարկում՝ Հայաստանի և Ադրբեջանի ՀԿ-ների ղեկավարների մասնակցությամբ։ Ադրբեջանական պատվիրակությանը ընդունել էՀՀ Անվտանգության խորհրդի քարտուղար Արմեն Գրիգորյանը։