Թուրքիան ռեկորդային ցուցանիշ է սահմանել

Թուրքիայի մշակույթի և զբոսաշրջության նախարար Մեհմեթ Նուրի Էրսոյը տեղեկացրել է, թե որքան եկամուտ է ապահովվել երկրի զբոսաշրջության ոլորտից։ Նախարարի խոսքով՝ 2025 թվականի առաջին 9 ամիսների ընթացքում զբոսաշրջությունից ստացված եկամուտները հասել են ռեկորդային ցուցանիշի։

Նշվել է, որ նախորդ տարվա նույն շրջանի համեմատ եկամուտներն աճել են 5.7 տոկոսով՝ հասնելով 50 միլիարդ դոլարի։ Էրսոյը հավելել է, որ Թուրքիան նախատեսում է այդ ցուցանիշը հասցնել 64 միլիարդ դոլարի։

Նույն ժամանակահատվածում երկիր է ժամանել 50 միլիոն զբոսաշրջիկ։ Զբոսաշրջիկներ ընդունող երկրների շարքում Թուրքիան 2017 թվականին զբաղեցրել է 8-րդ հորիզոնականը, իսկ 2024 թվականի տվյալներով արդեն գտնվել է 4-րդ տեղում։