Իրանն առգրավել է նավթային լցանավ Հորմուզի նեղուցում
Իրանի Իսլամական հեղափոխության պահապանների կորպուսը (ԻՀՊԿ) Հորմուզի նեղուցով անցնելու պահին առգրավել է Մարշալյան կղզիների դրոշի ներքո շարժվող նավթային լցանավը և ուղարկել այն Իրանի տարածքային ջրեր։ Տեղեկությունը փոխանցում են Reuters-ը:
Տեղեկացվում է, որ լցանավը մինչ այդ գտնվել էր Արաբական Միացյալ Էմիրությունների ափերի մոտ և Հնդկական օվկիանոսով տեղափոխում էր բարձրակարգ գազօյլ՝ Սինգապուր ուղությամբ։
AP-ի տվյալներով՝ սա ռազմավարական նշանակություն ունեցող Հորմուզի նեղուցում նավի առաջին նմանատիպ առգրավումն է վերջին ամիսներին։ Միջադեպը նոր լարվածություն է ավելացրել տարածաշրջանում, որտեղ նավթատարների անվտանգության հարցը շարունակում է մնալ միջազգային ուշադրության կենտրոնում։
