«Ռեալի» տնային մարզադաշտը նոր անվանում և տարբերանշան կունենա․ մանրամասներ
Մադրիդի «Ռեալը» ներկայացրել է իր տնային մարզադաշտի՝ «Սանտիագո Բեռնաբեուի» նոր անվանումը և լոգոն։ Մարզադաշտն այժմ կկոչվի պարզապես «Բեռնաբեու»։ Այս մասին հայտնում է Diario AS-ը։
Լոգոն պատկերում է մարզադաշտ, որը բաղկացած է չորս զուգահեռ գոտիներից, որոնք հատվում են ուղղահայաց գոտիով։ Մարզադաշտի անվանափոխությունը պայմանավորված է կորպորատիվ և մարքեթինգային նկատառումներով։
Նշենք, որ Լա լիգայի ընթացիկ մրցաշրջանում կայացած 12 տուրերից հետո «Ռեալը» 31 միավորով գլխավորում է մրցաշարային աղյուսակը՝ 3 միավորով գերազանցելով երկրորդ տեղում գտնվող «Բարսելոնային»։
