Պերուում հարյուրավոր նորածինների անվանակոչել են Հալանդի պատվին

Պերուում հարյուրավոր ծնողներ իրենց նորածին երեխաներին անվանակոչել են Նորվեգիայի հավաքականի հարձակվող Էրլինգ Հալանդի պատվին։ Այս մասին հայտնում է France 24-ը։

Պերուի անձնագրային և քաղաքացիական գրանցման ծառայության տվյալներով՝ 468 երեխա կրում է 25-ամյա ֆուտբոլիստի ազգանունը, իսկ ևս 91 նորածին գրանցվել է ամբողջական՝ Էրլինգ Հոլանդ անունով։

Գերատեսչության ներկայացուցիչ Իվան Տորեսի խոսքով՝ տարբեր ֆուտբոլային աստղեր հաճախ ոգեշնչում են պերուացիներին երեխաներին նրանց անուններով անվանակոչելու հարցում։ Նա նշել է, որ Հալանդի անունով գրանցումների թիվը կտրուկ աճել է 2026 թվականի աշխարհի առաջնության մեկնարկից հետո և հատկապես այն ժամանակ, երբ Նորվեգիայի հավաքականը դուրս է եկել քառորդ եզրափակիչ։

Հոլանդը մրցաշարի ընթացքում արդեն 7 գոլ է խփել 4 խաղում, այդ թվում՝ երկու անգամ աչքի է ընկել Բրազիլիայի դեմ պատմական հաղթանակում՝ օգնելով Նորվեգիային առաջին անգամ հասնել աշխարհի առաջնության քառորդ եզրափակիչ։

Պերուում նախկինում ևս երեխաներին անվանակոչել են հայտնի ֆուտբոլիստների պատվին։ Երկրում 3 402 մարդ կրում է Մեսսի անունը, որոնցից 292-ը՝ ամբողջական Լիոնել Մեսսի անունը։ Քրիշտիանու Ռոնալդուի անունով գրանցված է 1 185 մարդ, Յամալի անունով՝ 1 241, իսկ Նեյմարի անունը կրում է 33 809 պերուացի։