Էլիդա Քոչարյանը՝ մինչև 23 տարեկանների Եվրոպայի եռակի չեմպիոն
60 կգ քաշային Էլիդա Քոչարյանը վստահ՝ 5:0 հաշվով հաղթանակ է տարել Ռուսաստանի ներկայացուցիչ Անաստասիա Ալեքսեևային և դարձել մինչև 23 տարեկանների Եվրոպայի եռակի չեմպիոն։
«Սա բացառիկ արդյունք է ոչ միայն հայկական, այլև համաշխարհային բռնցքամարտի պատմության մեջ»,– նշում են Հայաստանի Բռնցքամարտի ֆեդերացիայից՝ ընդգծելով, որ Քոչարյանի նվաճումը նոր էջ է բացում կանանց բռնցքամարտում։
Էլիդա Քոչարյանը արդեն մի քանի տարի է, ինչ կայուն արդյունքներ է ցուցադրում միջազգային մրցասպարեզում՝ բարձրացնելով Հայաստանի մարզական հեղինակությունը։
