Փարիզի դատարանը կքննի Սարկոզիի վաղաժամկետ ազատումը
Երկուշաբթի՝ նոյեմբերի 10-ին, Փարիզի դատարանը կքննի Ֆրանսիայի նախկին նախագահ Նիկոլա Սարկոզիի ազատ արձակման հարցը՝ ընդամենը 20 օր անց նրա պատժի կրումը սկսելուց հետո։
Սարկոզին դատապարտվել է հինգ տարվա ազատազրկման՝ 2007 թվականի իր նախընտրական քարոզարշավը ֆինանսավորելու հանցավոր դավադրության մեջ մեղավոր ճանաչվելու համար։ Նա ժամանակակից Ֆրանսիայի առաջին նախկին նախագահն է, որը դատապարտվել է իրական ազատազրկման։ Նախկինում Սարկոզին կոռուպցիայի մեղադրանքով դատապարտվել էր, սակայն բանտարկության փոխարեն պարտավորեցվել էր կրել էլեկտրոնային սարք։
Նրա փաստաբանները բողոքարկել են դատավճիռը և ներկայացրել վաղաժամկետ ազատ արձակման միջնորդություն։ Բողոքարկման գործընթացը կարող է մեկնարկել գարնանը։
Դատարանը Սարկոզիի ազատ արձակման հարցը կքննի երկուշաբթի՝ որոշումը կայացնելով նույն օրը։
