Լուկաշենկոն կոչ է անում ուկրաինացիներին տեղափոխվել Բելառուս
Բելառուսի նախագահ Ալեքսանդր Լուկաշենկոն իր վերջին ելույթում դիմել է Ուկրաինայի քաղաքացիներին՝ առաջարկելով տեղափոխվել Բելառուս։ Նրա խոսքով՝ ուկրաինացի ընտանիքներին երկրում կապահովեն նույն պայմաններով, ինչ բելառուսներին՝ կրթության և առողջապահության ոլորտներում։
«Խնդրում եմ, եկե՛ք, ուկրաինացիներ։ Ձեր ընտանիքներին և երեխաներին կապահովենք արժանապատիվ կյանքով՝ ինչպես մեր քաղաքացիներին»,- հայտարարել է Լուկաշենկոն։
Նրա հայտարարությունն արվել է այն պահին, երբ Բելառուսը շարունակում է աջակցել Ռուսաստանի ռազմական գործողություններին Ուկրաինայի դեմ։ Ավելի վաղ Լուկաշենկոն խոսել էր նաև այլ երկրների քաղաքացիների, մասնավորապես՝ Պակիստանից աշխատուժ ներգրավելու մասին՝ բնակչության արտահոսքը լրացնելու նպատակով, սակայն այդ նախաձեռնությունը չիրականացվեց։
