Մեդվեդևը մեղադրել է Արևմուտքին և անդրադարձել Ուկրաինայի ֆինանսավորմանը
Ռուսաստանի անվտանգության խորհրդի փոխնախագահ Դմիտրի Մեդվեդևը հանդես է եկել հայտարարությամբ, որտեղ քննադատել է արևմտյան երկրներին՝ նրանց մեղադրելով «գողության» և «կեղծ բարոյականության» մեջ։ Նրա խոսքով՝ արևմտյան պետությունները, հատկապես ԱՄՆ-ն, պատերազմի մեկնարկից ի վեր Ուկրաինային տրամադրել են շուրջ 500 միլիարդ եվրո տարբեր ձևաչափերով օգնություն։
Մեդվեդևը իր հրապարակման մեջ կոշտ արտահայտություններ է օգտագործել՝ նշելով, որ Վաշինգտոնը գործում է իր աշխարհաքաղաքական շահերից ելնելով։ Նա ընդգծել է, որ Արևմուտքի աջակցությունը, ըստ իր գնահատման, չի նպաստում հակամարտության լուծմանը, այլ երկարացնում է այն։
Ռուսաստանի նախկին նախագահը նաև քննադատել է արևմտյան պատժամիջոցների քաղաքականությունը՝ այն անվանելով անարդյունավետ և վնասակար համաշխարհային տնտեսության համար։
