Բելառուսը կարող է զորքեր ուղարկել Ուկրաինա
Բելառուս խաղաղապահները պատրաստ կլինեն տեղակայվել Ուկրաինայում անհրաժեշտության դեպքում և եթե համապատասխան որոշում կայացնի Բելառուսի նախագահ Ալեքսանդր Լուկաշենկոն։ Այդ մասին STV հեռուստաալիքին տված հարցազրույցում ասել է Բելառուսի զինված ուժերի հատուկ գործողությունների ուժերի հրամանատարության միջազգային ռազմական համագործակցության և խաղաղապահ գործունեության վարչության պետ Ալեքսեյ Սկոբեյը։
«Այստեղ ամեն ինչ կախված է նրանից, թե ինչպես են կողմերը որոշումներ կայացնում միմյանց միջև։ Մենք միշտ պատրաստ ենք օգնություն ցուցաբերել՝ կրկին երկու կողմերի խնդրանքով։
Ամեն դեպքում, մեկ կողմը կամ մյուսը պետք է կապվի այդ կազմակերպության հետ, եթե ցանկանում է, որ այն լինի ՄԱԿ-ի հովանու ներքո և հայտարարի տարածքում խաղաղապահ զորքերի տեղակայման անհրաժեշտության մասին», – ասել է Սկոբեյը՝ պատասխանելով հարցին, թե արդյոք բելառուս խաղաղապահները կարող են աջակցել Ուկրաինայում։
