ԼՂ-ից բռնի տեղահանվածների աջակցության ծրագրերը կընդլայնվեն․ Թորոսյան

2026 թվականին կառավարությունը 20 միլիարդ դրամով կավելացնի Լեռնային Ղարաբաղից տեղահանված անձանց աջակցության միջոցները՝ համեմատած 2025 թվականի բյուջեի հետ։ Այս մասին հայտարարել է Աշխատանքի և սոցիալական հարցերի նախարար Արսեն Թորոսյանը։

Ներկայացնելով 2026 թվականի պետական բյուջեի նախագիծը, նշել է, որ 55 միլիարդ դրամ կուղղվի տարբեր սոցիալական խմբերի աջակցությանը՝ ճգնաժամերին արձագանքելու և արտակարգ իրավիճակների հետևանքները նվազեցնելու նպատակով։

«Սա 20 միլիարդ դրամով կամ 57,1 տոկոսով ավել է, քան նախորդ տարում», — ընդգծել է Թորոսյանը։

Նրա խոսքով՝ բյուջեն ներառում է բնակապահովման և ընթացիկ աջակցության ծրագրեր։