Բելգիայի ափերին «Պոսեյդոն» ստորջրյա հեռակառավարվող սարքի փորձարկումը կհանգեցնի դրա անհետացմանը. Մեդվեդև

Բելգիայի ափերին «Պոսեյդոն» ստորջրյա հեռակառավարվող սարքի փորձարկումը կհանգեցնի դրա անհետացմանը: Այս մասին ասել է Ռուսաստանի Անվտանգության խորհրդի փոխնախագահ Դմիտրի Մեդվեդևը:

Մեդվեդևը գրել է, որ ի տարբերություն «Բուրեվեստնիկ» թևավոր հրթիռի, «Պոսեյդոնը» կարող է համարվել աշխարհի վերջի զենք։ Նույն գրառման մեջ Մեդվեդևը շնորհավորել է բոլոր ռուս ընկերներին «Պոսեյդոնի» փորձարկման կապակցությամբ՝ ընդգծելով իր հատուկ շնորհավորանքները Բելգիայի պաշտպանության նախարար Թեո Ֆրանկենին։

Հիշեցնենք, որ Թեո Ֆրանկենին ավելի վաղ հայտարարել էր, որ ՆԱՏՕ-ն հողին կհավասարեցնի Մոսկվան, եթե Ռուսաստանը հրթիռային հարձակում իրականացնի Բրյուսելի վրա։