Ալիևը մերժեց Հայաստանի առաջարկը
Ադրբեջանի նախագահ Իլհամ Ալիևը չի մասնակցի Եվրոպական քաղաքական համայնքի գագաթնաժողովին, որը նախատեսվում է անցկացնել Երևանում 2026 թվականի գարնանը։ Այս մասին, ըստ ադրբեջանական իշխանամետ աղբյուրների, հաղորդում են երկրի լրատվամիջոցները՝ հղում անելով իրենց տեղեկություններին։
Նշվում է, որ Ալիևը հրաժարվել է ընդունել հայկական կողմի հրավերը՝ պատճառաբանելով, որ Հայաստանի և Ադրբեջանի միջև խաղաղության պայմանագիրը դեռ վերջնականապես ստորագրված չէ։
Ադրբեջանական կողմը, ըստ նույն աղբյուրների, կարծում է, որ մինչ փաստաթղթի ստորագրումը երկու երկրների առաջնորդների մասնակցությունը նման ձևաչափի միջոցառման նպատակահարմար չէ։
Եվրոպական քաղաքական համայնքի գագաթնաժողովը նախատեսվում է անցկացնել Երևանում՝ ԵՄ հովանու ներքո՝ տարածաշրջանային համագործակցությունը և երկխոսությունը խթանելու նպատակով։
