Նեթանյահու․ Իսրայելը կպատասխանի ՀԱՄԱՍ-ի գործողություններին

Իսրայելի վարչապետ Բենիամին Նեթանյահուն հայտարարել է, որ ՀԱՄԱՍ-ի կողմից հանձնված մասունքները պատկանել են մեկ այլ պատանդի, որի մարմինը ավելի վաղ էր հայտնաբերվել իսրայելական ուժերի կողմից։ Նա նշել է, որ մասունքները չեն առնչվում 13 անհետ կորած պատանդներից որևէ մեկին։

Նեթանյահուն ընդգծել է, որ ուժային կառույցների ղեկավարների հետ կքննարկի Իսրայելի հաջորդ պատասխան քայլերը։ Միաժամանակ, մի շարք նախարարներ կոչ են արել ձեռնարկել կոշտ գործողություններ ՀԱՄԱՍ-ի դեմ։

ՀԱՄԱՍ-ի խոսնակ Հազեմ Կասեմը հայտնել է, որ  Գազայում՝ ավերածությունների պատճառով, մարմինների որոնումը շատ բարդ է։