Հռոմի Պապ Լևոն XIV-ի առաջին արտասահմանյան այցը տեղի կունենա Թուրքիայում

Ermenihaber.am-ի հաղորդմամբ՝ Հռոմի Պապ Լևոն XIV-ն իր ընտրությունից հետո առաջին արտասահմանյան ուղևորությունը կկատարի Թուրքիա։ Այցը նախատեսված է նոյեմբերի 27-30-ն ընկած ժամանակահատվածում։

Տեղեկացվում է, որ Պապը Կ. Պոլսում հանդիպելու է Էկումենիկ պատրիարք Բարդուղիմեոս I-ի հետ։ Երկու հոգևոր առաջնորդները միասին կմասնակցեն Նիկեայի տիեզերական ժողովի 1700-ամյակին նվիրված միջոցառմանը։

Այցի շրջանակում նախատեսվում է նաև Հռոմի պապի հանդիպումը Թուրքիայի նախագահ Ռեջեփ Թայիփ Էրդողանի հետ Անկարայում։ Դրանից հետո նա կայցելի Ստամբուլի Սուլթանահմեթ մզկիթ։

Թուրքիայից հետո Հռոմի Պապ Լևոն XIV-ն իր այցը շարունակելու է Լիբանանում։