ԼՈՒՍԱՆԿԱՐՆԵՐ. Ասկերանի շրջանի համայնքների ուղղությամբ արձակված կրակոցների հետևանքները

Արցախի Հանրապետության դատախազությունը լուսանկարներ է հրապարակել ու գրառել. 

«Իրավապահ մարմինները շարունակում են վեր հանել վերջին օրերին Ասկերանի շրջանի համայնքների ուղղությամբ արձակված կրակոցների հետևանքները:

Ինչպես արդեն հաղորդվել էր, վերջին օրերին արցախա-ադրբեջանական շփման գծի տարբեր հատվածներում Ադրբեջանի զինված ուժերի կողմից տարբեր տրամաչափի հրաձգային զինատեսակներից կրակոցներ են արձակվել Արցախի Ասկերանի շրջանի Խրամորթ, Փառուխ և Խնապատ համայնքների ուղղությամբ: Արցախի Հանրապետության իրավապահ մարմինները շարունակում են արցախահայությանն ուղղված հանցավոր արարքների փաստագրման և ապացույցների ամրագրման գործընթացը: Ապացույցների հավաքագրման ընթացքում հերթական դեպքն արձանագրվել է Ասկերանի շրջանի Փառուխ համայնքում, 60 մմ տրամաչափի ականանետից արձակված արկը պայթել էր համայնքին պատկանող շինության բակում և պատճառել գույքային վնաս»: 


[46ca5b4cdcd2504990222aedcc308b81.jpg]

[0e10b188514972ccb6cb23b8cc399ce3.jpg]

[233200b2bbb534a7314dc03f4ae025d9.jpg]

[1f2cded33e59f6b37543ee82d7370987.jpg]

[d8772024728252024e0fd28f917da1a5.jpg]

[ca0a1a96cf33fadd9c6d626c7545072a.jpg]

[6f0ada0797170fd435a71106ac9635d4.jpg]