Եկեղեցին չի լինելու ձեր բալագանի մասը․Ռուբեն Ռուբինյան

Ազգային ժողովի փոխխոսնակ Ռուբեն Ռուբինյանը Ֆեյսբուքում գրառում է կատարել՝ անդրադառնալով Գարեգին Բ Ամենայն Հայոց կաթողիկոսին պաշտպանող անձանց և կառույցների հայտարարություններին։ Քաղաքական գործիչը նշել է, որ Գարեգին Բ-ին պաշտպանողները դա չեն անում հավատքի կամ եկեղեցական կանոնների պաշտպանության նպատակով, այլ առաջնորդվում են քաղաքական շահերով։

«Իրավիճակի աբսուրդն այն է, որ չկա գեթ մեկ մարդ, որը կասի՝ պաշտպանում եմ Գարեգին Բ-ին, որովհետև նրան անարդարացիորեն մեղադրում են զավակ ունենալու մեջ։ Նույնիսկ Կտրիճ Ներսիսյանը իրեն չի պաշտպանում այդ փաստարկով», – գրել է Ռուբինյանը՝ հավելելով, որ վերջինս խախտել է կուսակրոնության ուխտը։

Նրա խոսքով՝ ներկայում պաշտպանողները պաշտպանում են ոչ թե եկեղեցին, այլ իրենց ընդդիմադիր գործընկերներին և նախկին քաղաքական առաջնորդներին՝ Լևոն Տեր-Պետրոսյանին, Ռոբերտ Քոչարյանին և Սերժ Սարգսյանին։

«Ուզում եք պաշտպանել՝ ձեր իրավունքն է, բայց եկեղեցին պարտավոր չէ լինել ձեր բալագանի մաս կամ քաղաքական վահան։ Եվ հաստատ այդպես չի լինելու», – եզրափակել է Ռուբեն Ռուբինյանը։