Պուտինը հայտարարել է միջուկային շարժիչ ունեցող «Բուրեվեստնիկ» թևավոր հրթիռի ևս մեկ փորձարկման մասին
Ռուսաստանի նախագահ Վլադիմիր Պուտինը հայտարարել է միջուկային շարժիչ ունեցող «Բուրեվեստնիկ» թևավոր հրթիռի ևս մեկ փորձարկման մասին:
Կրեմլի փոխանցմամբ՝ Պուտինը հանդիպել է ՌԴ գլխավոր շտաբի պետ Վալերի Գերասիմովին: Վերջինս ասել է, որ «Բուրեվեստնիկ» հրթիռի փորձարկումը տեղի է ունեցել հոկտեմբերի 21-ին։ Հրթիռը օդում է եղել 15 ժամ՝ անցնելով 14,000 կիլոմետր։
«Մենք պետք է որոշենք հնարավոր կիրառությունները և սկսենք պատրաստել ենթակառուցվածքները՝ մեր զինված ուժերում այս զենքի տեղակայման համար», - ասել է ՌԴ նախագահ Վլադիմիր Պուտինը։
