Կան զոհեր և տասնյակ տուժածներ. Ռուսաստանը կրկին հարձակվեց. Զելենսկի
Տարեսկզբից Ռուսաստանն Ուկրաինայի ուղղությամբ արձակել է մոտ 770 բալիստիկ հրթիռ և ավելի քան 50 «դաշույն»: Այս մասին հայտարարել է Ուկրաինայի նախագահ Վլադիմիր Զելենսկին:
«Այս գիշեր Ռուսաստանը կրկին հարձակվեց Ուկրաինայի վրա տասնյակ հարվածային անօդաչու թռչող սարքերով և ինը բալիստիկ հրթիռներով, ներառյալ հրթիռային հարվածը Կիևին: Կան զոհեր և տասնյակ տուժածներ»,- գրել է ուկրաինայի առաջնորդը:
Զելենսկին նշել է Patriot համակարգերի կարևորությունը քաղաքները պաշտպանելու համար և կոչ է արել միջազգային գործընկերներին ուժեղացնել համագործակցությունը՝ քաղաքացիների կյանքին սպառնացող վտանգը դադարեցնելու համար:
