Թրամփը վախենում է, որ Նեթանյահուն կարող է դուրս գալ Գազայի համաձայնագրից. New York Times
Թրամփի վարչակազմը վախենում է, որ Իսրայելի վարչապետ Բենիամին Նեթանյահուն կարող է դուրս գալ Գազայում ձեռք բերված հրադադարի համաձայնագրից, հաղորդում է New York Times-ը՝ հղում անելով աղբյուրներին։
Նշվում է, որ Թրամփն այժմ կարծում է, որ Համասի առաջնորդները պատրաստ են շարունակել բանակցությունները։
Իսրայելի պաշտպանության ուժերը (IDF) կիրակի օրը ավելի վաղ հայտնել էին, որ գրանցել են հրադադարի լուրջ խախտում Գազայում Համասի կողմից։ Ի պատասխան՝ Իսրայելի ռազմաօդային ուժերը հարձակվել են Համասի տասնյակ թիրախների վրա։
Իսրայելի և պաղեստինյան «Համաս» շարժման միջև հրադադարի համաձայնագիրը ուժի մեջ է մտել հոկտեմբերի 10-ին։
