Մանվել Գրիգորյանի ժառանգներից և նրան փոխկապակցված անձանցից հօգուտ ՀՀ-ի կբռնագանձվի ավելի քան 1,2 միլիարդ դրամի գույք ու դրամական միջոց

Ազգային ժողովի նախկին պատգամավոր Մանվել Գրիգորյանի ժառանգներից և նրան փոխկապակցված անձանցից հօգուտ ՀՀ-ի կբռնագանձվի ավելի քան 1,2 միլիարդ դրամի գույք ու դրամական միջոց. դատախազության հայցապահանջը մասնակի բավարարվել է: Տեղեկությունը հայտնում է ՀՀ գլխավոր դատախազությունը։

Հայցադիմումի մերժված մասով ՀՀ գլխավոր դատախազությունը վերաքննիչ բողոք կներկայացնի:

Հիշեցնենք՝ Դատախազությունը պահանջել էր Մանվել Գրիգորյանի ժառանգներից փող ու անշարժ գույք բռնագանձել։

Ըստ հաղորդագրության` դատախազությունը պահանջում է բռնագանձել ՀՀ տարածքում գտնվող

- 28 անշարժ գույք,

- 16 տրանսպորտային միջոց, իսկ անհնարինության դեպքում՝ ավելի քան 2.552.000.000 դրամ,

- 6 իրավաբանական ընկերություններում ունեցած բաժնեմասերը, իրավաբանական անձանց տրամադրված ընդհանուր 668.160.803 դրամ փոխառությունները,

- 19.236.606 դրամ՝ որպես ապօրինի դրամական միջոցների մնացորդ,

- 18.656.316 դրամ՝ ավանդների մնացորդ,

-  17.027.871 դրամ, որը չի հիմնավորվում անձի օրինական եկամուտներով, ունի ապօրինի ծագում։