Ավստրալիայի դեսպանը ներողություն է խնդրել Թրամփից
ԱՄՆ-ում Ավստրալիայի դեսպան Քևին Ռադը, որը հայտնի է ԱՄՆ նախագահ Դոնալդ Թրամփին ուղղված իր նախկին քննադատություններով, ներողություն է խնդրել նրանից Սպիտակ տանը հանդիպման ժամանակ լարված իրավիճակից հետո արված մեկնաբանությունների համար։ Թրամփը ընդունել է ներողությունը, հաղորդում է Guardian-ը՝ հղում անելով իր աղբյուրներին։
Ռադը, ով Թրամփին գրեթե միշտ քննադատում է, նախկինում ջնջել էր X սոցիալական ցանցից բացասական մեկնաբանությունները, այն բանից հետո, երբ Թրամփը հայտարարել էր նախագահական ընտրություններում հաղթանակի մասին:
Հիշեցնենք՝ Ավստրալիայի դեսպանը Թրամփին անվանել էր «Արևմուտքի դավաճան» և «ԱՄՆ պատմության ամենաավերիչ նախագահը »:
Հավելենք՝ Քևին Ռադն ասել է, որ ջնջել է մեկնաբանությունները՝ խուսափելու համար, որ դրանք մեկնաբանվեն որպես Ավստրալիայի պաշտոնական դիրքորոշում Թրամփի նկատմամբ:
