Ռուսաստանի նոր հարվածն ամբողջությամբ կոչնչացնի Չեռնոբիլի ատոմակայանը․ տնօրեն
Չեռնոբիլի ատոմակայանի 4-րդ բլոկի պաշտպանիչ կառույցը, որը վնասվել էր 2025 թվականի սկզբին ռուսական հարվածի հետևանքով, մնում է ծայրահեղ խոցելի, և ռուսական նոր հարվածը կարող է ամբողջությամբ ոչնչացնել այն։ Այդ մասին AFP-ին հայտնել է Չեռնոբիլի ատոմակայանի տնօրեն Սերգեյ Տարականովը։
Նրա խոսքով՝ Չեռնոբիլի ատոմակայանի մոտակայքում անօդաչու թռչող սարքի կամ «Իսկանդեր» հրթիռի անկումը կարող է ողբերգական հետևանքներ ունենա;։ Տարականովը զգուշացրել է, որ նույնիսկ անուղղակի հարվածը կարող է առաջացնել սեյսմիկ տատանումներ, որոնց սարկոֆագը կարող է չդիմանալ։
Չեռնոբիլի ատոմակայանի մնացորդները ծածկված են պողպատից և բետոնից պատրաստված ներքին ճառագայթային պաշտպանիչ շերտով (սարկոֆագ), որը շտապ կառուցվել է 1986 թվականի աղետից անմիջապես հետո, ինչպես նաև բարձր տեխնոլոգիական արտաքին պաշտպանիչ շերտով (Նոր անվտանգ պաշտպանիչ շերտ, NSC), որը շահագործման է հանձնվել 2019 թվականին։
Նշվում է նաև, որ նոր պաշտպանիչ պատյանի մի հատվածը լրջորեն վնասվել էր 2025 թվականի փետրվարին ռուսական անօդաչու թռչող սարքի հարվածի հետևանքով, ինչի արդյունքում խոշոր հրդեհ էր բռնկվել։
