Վրաստանի ԱԳՆ-ն՝ Ադրբեջանի, Թուրքիայի և Հայաստանի սահմաններ տանող մայրուղու շինարարության ավարտի մասին
Վրաստանն Ադրբեջանի հետ համատեղ սահմանային անցակետերի ստեղծման ուղղությամբ աշխատում է «միասնական պատուհանի» հայեցակարգի շրջանակներում։ Այս մասին հայտարարել է Վրաստանի ֆինանսների նախարար Լաշա Խուցիշվիլին։
Նրա խոսքով՝ վերջին տարիներին Վրաստանում կարևոր քայլեր են ձեռնարկվել հանրային ծառայությունների պարզեցման, թվային հարկման ներդրման և արդյունավետ մաքսային վերահսկողության իրականացման ուղղությամբ։
Նա ընդգծել է Ադրբեջանի, Թուրքիայի և Հայաստանի սահմաններ տանող մայրուղու վերջին հատվածների շինարարության ավարտի կարևորությունը՝ կապերի ամրապնդման առումով։
Լ. Խուցիշվիլին նաև խոսել է «Միջին միջանցք»-ի կարևորության և այս նախագծում Վրաստանի կողմից կատարված ներդրումների մասին.
«Որպեսզի Միջին միջանցքը դառնա արդյունավետ և կայուն երթուղի և մասնակիորեն այլընտրանք այլ երթուղիներին, անհրաժեշտ է Հարավային Կովկասի և Կենտրոնական Ասիայի երկրների միջև ավելի սերտ համագործակցություն և միջազգային ֆինանսական հաստատությունների շարունակական աջակցություն»,- հավելել է նա։
