Պատերազմը շարունակվում է միայն մի պատճառով․ Զելենսկին՝ դիմել է ԱՄՆ-ին
Վլադիմիր Պուտինին խոսակցություններով կանգնեցնել չի ստացվի, ճնշում է պետք։ Այս մասին իր տելեգրամյան ալիքում գրել է Ուկրաինայի նախագահ Վլադիմիր Զելենսկին։
Ուկրաինայի նախագահը հայտարարել է, որ Ռուսաստանը գրեթե ամեն օր հարյուրավոր հարձակումներ է իրականացնում Ուկրաինայի կրիտիկական և քաղաքացիական ենթակառուցվածքների վրա։
«Ուկրաինան երբեք պատերազմի չի ձգտել։ Մենք համաձայնել ենք կրակի անվերապահ դադարեցմանը, խաղաղության հնարավորություններ ենք փնտրել, բայց հենց Ռուսաստանն է անընդհատ արգելակում այդ գործընթացը՝ մանիպուլացնում, ձգձգում բանակցությունները, ահաբեկում մեր մարդկանց օդային հարվածներով։ Պատերազմը շարունակվում է միայն այն պատճառով, որ Մոսկվան չի ցանկանում այն ավարտել։
Պուտինի խոսակցություններով կանգնեցնել չի ստացվի՝ ճնշում է պետք։ Անհրաժեշտ են վճռական քայլեր ԱՄՆ-ից, Եվրոպայից», - գրել է Զելենսկին սոցիալական ցանցում:
