Թրամփը հայտարարել է թմրանյութեր տեղափոխող մեծ սուզանավի ոչնչացման մասին
ԱՄՆ նախագահ Դոնալդ Թրամփը հայտարարել է Միացյալ Նահանգներ ուղևորվող թմրանյութեր տեղափոխող մեծ սուզանավի ոչնչացման մասին: Նա այս մասին գրել է TruthSocial սոցիալական ցանցում:
Սպիտակ տան ղեկավարը նշել է, որ նավի վրա չորս մարդ է եղել, որոնցից երկուսը ողջ են մնացել և կուղարկվեն Էկվադոր և Կոլումբիա՝ դատվելու:
«Իմ ղեկավարության ներքո Միացյալ Նահանգները չի հանդուրժի նարկոհեռասպաններին ցամաքով կամ ծովով թմրանյութերի ապօրինի շրջանառություն իրականացնելը», - գրել է Թրամփը:
Ներկայումս Թրամփի վարչակազմը Վենեսուելայի նախագահ Նիկոլաս Մադուրոյին համարում է երկու խոշոր կազմակերպված հանցավոր խմբերի փաստացի ղեկավար, որոնք պատասխանատու են Միացյալ Նահանգներում թմրանյութերի մաքսանենգության և բռնության համար:
Մի շարք փորձագետներ կարծում են, որ ԱՄՆ զինված ուժերը պատրաստ են գործողություն սկսել Վենեսուելայում մի քանի օբյեկտներ գրավելու համար՝ որպես թմրամիջոցների կարտելների դեմ պայքարի մաս:
