Զելենսկին կարող է համոզել Թրամփին փոխել իր միտքը Ուկրաինային զենք մատակարարելու վերաբերյալ․ Bloomberg
Ուկրաինայի նախագահ Վլադիմիր Զելենսկին պատրաստել է «խոստումների ցանկ», որը կարող է օգնել համոզել ԱՄՆ նախագահ Դոնալդ Թրամփին փոխել իր միտքը Ուկրաինայի զինված ուժերին զենք մատակարարելու վերաբերյալ։ Այս մասին գրում է Bloomberg-ը։
«Ուկրաինան հնարամտություն է ցուցաբերում՝ փորձելով ապահովել ԱՄՆ-ի օգնությունը իր ռազմական նպատակների համար», - ասվում է «Զելենսկին պատրաստում է Թրամփի համար խոստումների ցանկ» վերնագրով հոդվածում։
Հրապարակման համաձայն՝ Կիևը կարող է Վաշինգտոնին առաջարկել անօդաչու թռչող սարքերի տեխնոլոգիայի և արտադրության ոլորտում փորձագիտություն՝ ամերիկյան խիստ անհրաժեշտ զենքի և էներգիայի մատակարարման դիմաց։ Ավելին, Զելենսկին կարող է Թրամփին առաջարկել ամերիկյան նավթային ընկերություններին հնարավորություն օգտագործել Ուկրաինայում գտնվող խողովակաշարային ենթակառուցվածքները՝ Սլովակիա և Հունգարիա արտահանման համար։
Աղբյուրների համաձայն՝ Կիևի պաշտոնյաները նաև ամերիկյան ընկերություններին կառաջարկեն հեղուկ բնական գազի էժան պահեստավորում Ուկրաինայի հսկայական ստորգետնյա պահեստներում՝ ԱՄՆ-ի էներգիայի արտահանումը եվրոպական երկրներ խթանելու համար։
